ԵՄ-ն ուժեղացնում է ռազմական աջակցությունը գազով հարուստ Մոզամբիկին՝ էներգետիկ ճգնաժամի պայմաններում

Եվրամիությունը լրացուցիչ աջակցություն կտրամադրի աֆրիկյան ռազմական առաքելությանը Մոզամբիկում, քանի որ իսլամիստների հարձակումները սպառնում են գազային նախագծերին, որոնք նախատեսված են ԵՄ կախվածությունը ռուսական էներգետիկ ռեսուրսներից նվազեցնելու համար:

Մոզամբիկը Աֆրիկայում գազի ապացուցված պաշարներով մեծությամբ երրորդն է: Սակայն հարավաֆրիկյան պետությունը 2017 թվականից պայքարում է «Իսլամական պետության» հետ կապված զինյալների դեմ՝ գազով հարուստ իր ամենահյուսիսային նահանգում՝ Կաբո Դելգադոյում:

ԵՄ-ն հայտարարել է, որ կառավարությունները համաձայնել են 15 միլիոն եվրո տրամադրել Մոզամբիկում Աֆրիկայի հարավի երկրների զարգացման համայնքի (SADC) առաքելությանը, որը պայքարում է ապստամբների դեմ:

Ներքին զեկույցում, որին ծանոթացել է Reuters-ը, ԵՄ-ն նախազգուշացրել է հյուսիսային Մոզամբիկում «շատ անկայուն» իրավիճակի մասին՝ չնայած SADC առաքելությանը եւ Ռուանդայի զորքերի առանձին միջամտությանը, որոնց հաջողվել է զսպել զինյալներին:

Ֆինանսական աջակցության մասին հայտարարվել է մեկ օր անց այն բանից հետո, երբ Մոզամբիկը հայտնել է, որ առնվազն վեց մարդ գլխատվել է, իսկ իտալացի միանձնուհին սպանվել է ապստամբների կողմից հյուսիսային Նաամպուլա նահանգում:

Միջոցները գալիս են ի լրումն ԵՄ-ի կողմից արդեն իսկ տրամադրված 1,9 միլիոն եվրոյին եւ Մոզամբիկի զինված ուժերի համար 89 միլիոն եվրոյին:

Աղբյուրը՝   news.am