Աշոտ Օսիպյանը կմասնակցի Ուզբեկստանի բանկային համակարգի բարեփոխումներին

Բանկային կառավարման դպրոցի (BMS)  հիմնադիր, տնտեսագետ Աշոտ Օսիպյանն Ուզբեկստանի կառավարության կողմից առաջադրվել և ընտրվել է այդ երկրի խոշորագույն պետական  Ասակա բանկի խորհրդի անդամ։

Հաշվի առնելով, որ Ուզբեկստանում  իրականացվում են տնտեսության և բանկային համակարգի լայնամասշտաբ բարեփոխումներ, ենթադրվում է, որ Ա․ Օսիպյանին  ներգրավել  են ռեֆորմների իրականացման գործընթացում՝  նկատի ունենալով բանկային համակարգում նրա ունեցած մեծ փորձը։ 

Նշենք նաև, որ Աշոտ Օսիպյանը համաձայնել է առաջիկայում ավելի հանգամանորեն խոսել իր անելիքների և հետխորհրդային երկրների բանկային համակարգերի առանձնահատկությունների և զարգացումների մասին։