Օդային (ավիացիոն) քիմիական սրսկման աշխատանքներ Արարատի մարզում

 2026 թվականի հուլիսի 28-ին, առավոտյան՝ ժամը 07:00-ից, Վերին Դվին, Դվին, Նորաշեն, Հնաբերդ և Գետազատ բնակավայրերի հարակից տարածքներում իրականացվելու են օդային (ավիացիոն) քիմիական սրսկման աշխատանքներ՝ մորեխների դեմ պայքարի նպատակով։ Այս մասին հայտնում են Էկոնոմիկայի նախարարությունից և խորհուրդ տալիս.

1․ սրսկման օրը մեղվաընտանիքները ժամանակավորապես տեղափոխել կամ պահել անվտանգ վայրում,

2️․ խուսափել գյուղատնտեսական կենդանիներին սրսկվող տարածքներ արածեցման տանելուց,

3️․ հնարավորության դեպքում սահմանափակել մարդկանց ներկայությունը սրսկվող տարածքներում մինչև աշխատանքների ավարտը,

4️․ պահպանել անվտանգության կանոնները և հետևել համայնքային պատասխանատուների ցուցումներին։