Եվրագոտու բանկերը խստացնում են ընկերությունների վարկավորման չափանիշները

Եվրագոտու բանկերը շարունակել են խստացնել կորպորատիվ հաճախորդների վարկավորման չափանիշները՝ նշելով աշխարհաքաղաքական իրադարձությունների, այդ թվում՝ Իրանի հետ պատերազմի ֆոնին ի հայտ եկած ռիսկերի աճը, հայտնում է Bloomberg-ը։

Վարկատուները նաև հայտնել են հիփոթեքային վարկերի, սպառողական վարկերի և տնային տնտեսությունների վարկավորման այլ տեսակների պայմանների խստացման մասին։

«Տնտեսական հեռանկարների ռիսկերի գնահատումը և բանկերի՝ ռիսկի դիմելու ավելի ցածր պատրաստակամությունը շարունակում են մնալ խստացման հիմնական գործոնները, քանի որ բանկերը շարունակում են մեծ ուշադրություն դարձնել աշխարհաքաղաքական և էներգետիկ իրավիճակի հետ կապված ռիսկերին»:

Դրամավարկային քաղաքականություն մշակողները շարունակում են գնահատել Մերձավոր Արևելքում հակամարտության և դրա վերջին սրման հետևանքները։ Ռազմական գործողությունների ակտիվացման ֆոնին էներգակիրների գներն աճել են, իսկ Brent տեսակի նավթի գինն ավելի քան հինգ շաբաթվա ընթացքում առաջին անգամ բարձրացել է մեկ բարելի դիմաց 90 դոլարից։

Բանկային վարկավորումը առանցքային դեր է խաղում տնտեսական ակտիվության, հատկապես կորպորատիվ ներդրումների, խթանման գործում և նաև ծառայում է որպես վաղ ցուցիչ այն բանի, թե տոկոսադրույքների փոփոխություններն ինչպես են ազդում ընդհանուր տնտեսության վրա: