Ֆրանսիան մտադիր է ուրանի գործարան հիմնել՝ Ռուսաստանից Եվրոպայի էներգետիկ կախվածությունը նվազեցնելու համար
Ֆրանսիական պետական Orano SA ուրան արտադրող ընկերությունը քննարկում է իր կարողությունները գրեթե 50 տոոկսով ավելացնելու հնարավորությունը, ինչը պայմանավորված է Ռուսաստանից Եվրոպայի էներգետիկ կախվածությունը նվազեցնելու ցանկությամբ, գրում է Bloomberg-ը։
«Ուկրաինայի հակամարտությունը վերակենդանացնում է ուրանի հարստացման արեւմտյան կարողությունների ավելացման հրատապությունը՝ Եվրոպայում վառելիքի հնարավոր պակասից խուսափելու համար»,-ասվում է հոդվածում:
Ֆրանսիայի կենտրոնական հատվածում ուրանի նոր գործարանի կառուցման գնահատվում է 1,3 միլիարդ եվրո։ Նախագիծը ենթադրում է հզորության ընդլայնում։
«Մենք աշխատում ենք տարբեր սցենարների ուղղությամբ, այդ թվում՝ ընդլայնելով մեր Georges Besse II գործարանը, որը կլինի ամենաարագ տարբերակը, ինչպես նաեւ լրացուցիչ հզորություններ ստեղծելով ԱՄՆ-ում»,-ասել է Orano-ի հաղորդակցության բաժնի ղեկավար Քրիստոֆ Նոյնոն։
Աղբյուրը՝ news.am