Անհավասարաչափ գնաճը խորացնում է եվրոգոտու արեւելք-արեւմուտք բաժանումը

Միշտ հույս է եղել, որ մայրցամաքի նախկին կոմունիստական ​​տնտեսությունները ի վերջո կմոտենան իրենց հարուստ հարեւաններին՝ այդ ճանապարհին բարձրացնելով կենսամակարդակը: Սակայն այս իրավիճակում աշխատավարձերը զիջում են, եւ աշխատավարձերի տարբերությունը առաջացրել է վերջին տարիների աշխատանքային արտագաղթի ամենամեծ ալիքներից մեկը դեպի Եվրոպայի ավելի հարուստ արեւմտյան պետություններ:

Իրավիճակը մասամբ կապված է եվրոգոտու ընդհանուր դրամավարկային քաղաքականության հետ: Էներգիայի շուկայական գներից ավելի մեծ կախվածությունը սաստկացնում է իրավիճակը:

«Մենք շատ արագ հասանք Եվրամիության միջին ցուցանիշին, սակայն մեր եկամուտները դեռեւս այնքան էլ համապատասխան չեն եվրոպական միջինին», - ասել է Էստոնիայի կենտրոնական բանկի ղեկավար Մադիս Մյուլերը:

Արդյունքում գնողունակությունը նվազում է եւ դժվար թե մինչեւ 2024 թվականը վերադառնա անցյալ տարվա մակարդակին, ասվում է Էստոնիայի բանկի ուսումնասիրության մեջ։ Սա ճնշում կստեղծի արտադրանքի վրա:

Ընտանիքները գտնվում են ինտենսիվ ճնշման տակ, եւ ընկերությունները, կանգնում են սնանկացման եզրին, ասել է Swedbank Estonia-ի գործադիր տնօրեն Օլավի Լեպը: Սա կարող է փորձություն լինել Էստոնիայի՝ որպես էժան արտահանողի ավանդական դերի համար:

Թեեւ ընկերությունները բախվում են կարճաժամկետ խափանումների, այս տեղաշարժը պետք է օգուտ բերի ապագայում, կարծում է Տալլինում Luminor-ի գլխավոր տնտեսագետ Լեննո Ուուսկուլը:

Լիտվայում Կենտրոնական բանկի ղեկավար Գեդիմինաս Սիմկուսը նույնպես կարեւորում է անցումը դեպի ավելի բարձր ավելացված արժեքով արտադրություն եւ մասամբ բացատրում է գնաճի արագացումը նրանով, որ տնտեսությունը ձգտում է հասնել իր հարուստ հարեւաններին:

Սիմկուսը մի կողմ է թողնում գների վերջին աճը՝ նախընտրելով կենտրոնանալ ավելի երկարամյա հեռակարների վրա:

«Մենք ունենք գնաճի ավելի բարձր տեմպ, բայց մենք ունեցել ենք նաեւ աշխատավարձերի բարձր աճ վերջին 10 տարիների ընթացքում: Աշխատավարձերը բարձրացել են մոտ 2,5 անգամ, սակայն գները վերջին տասնամյակում չեն կրկնապատկվել, ուստի իրական գնողունակությունը, անշուշտ, բարձրացել է», - նշել է նա։

Ճանապարհը տեսանելի ապագայում, այնուամենայնիվ, խորդուբորդ կլինի, քանի որ Bloomberg-ի կողմից հարցված տնտեսագետները կանխատեսում են, որ հաջորդ տարի գնաճը կշարունակի աճել երկնիշ թվով՝ ավելին, քան կանխատեսում է Կենտրոնական բանկը:

Աղբյուրը՝   news.am