2022-ին Հայաստանի քաղաքացիություն է ստացել ավելի քան 11 հազար մարդ
Հայաստանի ոստիկանության անձնագրային եւ վիզաների վարչությունը շարունակում է աշխատել աննախադեպ ծանրաբեռնվածությամբ։ Այս մասին Ազգային ժողովում հոկտեմբերի 31-ին 2023 թվականի պետական բյուջեի նախագծի քննարկման ժամանակ մշտական խորհրդարանական հանձնաժողովների համատեղ նիստում ասաց Հանրապետության փոխոստիկանապետ Արա Ֆիդանյանը։
2022 թվականի 9 ամիսների ընթացքում քաղաքացիներին տրվել է 15 հազար 396 կենսաչափական անձնագիր։ 2021 թվականի համեմատ աճը կազմել է 46,5 տոկոս։
«Այսպիսով տրվել է նաև 146565 անձը հաստատող փաստաթուղթ, ինչը 2,5 անգամ ավել է նախորդ տարվա համեմատ։ Հայաստանի քաղաքացիներին տրվել է 386 875 անձնագիր։ Նախորդ տարվա համեմատ աճը կազմում է 29,7 տոկոս է»,- ասաց Ֆիդանյանը։
Փոխոստիկանապետի խոսքով՝ նախագահի հրամանագրով ՀՀ քաղաքացիություն է ստացել 11669 մարդ։ Ընդ որում նախապատրաստվել եւ քննվել է 21 հազար 113 գործ՝ ՀՀ քաղաքացիություն ստանալու կամ դրանից հրաժարվելու վերաբերյալ։
Աղբյուրը՝ news.am