Վրաստանում զբոսաշրջությունից եկամուտները հունվար-հոկտեմբեր ամիսներին կազմել են գրեթե 2,9 մլրդ դոլար

Վրաստանում զբոսաշրջությունից եկամուտներն ընթացիկ տարվա հունվարից մինչեւ հոկտեմբեր կազմել են 2,9 միլիարդ դոլար: Այդ մասին, ինչպես հաղորդել է ՏԱՍՍ-ը, նոյեմբերի 17-ին հայտնել են Վրաստանի Էկոնոմիկայի նախարարության Զբոսաշրջության ազգային վարչության մամուլի ծառայությում:

Ընթացիկ տարվա 10 ամսում շահույթը 183,2 տոկոսով ավելի է 2021 թվականի նույն ցուցանիշներից:

Միայն հոկտեմբերին հանրապետությունը զբոսաշրջությունից վաստակել է գրեթե 338 միլիոն դոլար, ինչը 137,1 տոկոսով ավելի է 2021 թվականի հոկտեմբերի տվյալներից, նշում են գերատեսչությունում:

Իսկ ինչ վերաբերում է զբոսաշրջության ճյուղի վերականգմանը կորոնավիրուսի համավարակն սկսվելուց հետո, ապա զբոսաշրջության վարչությունում նշել են, որ եկամուտներն ընթացիկ տարվա հունվար – հոկտեմբերին վերականգնվել են 100,2 տոկոսով 2019 թվականի նույն տվյալների նկատմամբ:

Վրաստանում ընթացիկ տարվա հունվարից մինչեւ հոկտեմբեր կատարվել է ավելի քան 4,3 միլիոն տուրիստական ուղեւորություն, ինչը գրեթե եռապատիկ ավելի է, քան 2021 թվականին: Ռուսաստանը, Թուրքիան եւ Հայաստանն այն երկրներն են, որտեղից ամենից հաճախ են հանգստացողներ ժամանում հանրապետություն:

Աղբյուրը՝   b24.am