Վրաստանում երկրի կոմերցիոն բանկերին հանձնարարվել է ուժեղացնել Իրանի հետ կապված գործարքների ստուգումը
Վրաստանի Ազգային բանկը հայտնել է, որ երկրի բոլոր կոմերցիոն բանկերին հանձնարարվել է ուժեղացնել Իրանի հետ կապված գործարքների ստուգումները, գրում է «Նովոստի Գրուզիան»։
«Իրանի դեմ ԱՄՆ-ի լայնածավալ պատժամիջոցների պայմաններում բանկային գործարքները, որոնք ուղղակիորեն/անուղղակիորեն կապված են Իրանի Իսլամական Հանրապետության եւ (կամ) իրանական ծագում ունեցող ապրանքների հետ, կարող են համարվել ԱՄՆ-ի կողմից սահմանված միջազգային պատժամիջոցների խախտում»,- ասվում է Ազգային բանկի է հայտարարության մեջ։
Խոսքը նաեւ Իրանի տարածքով ապրանքների եւ/կամ Իրանում գրանցված տրանսպորտային միջոցների՝ օդային, ծովային, ցամաքային, երկաթուղային փոխադրումների հետ կապված գործողությունների մասին է։
«ԱՄՆ-ի կողմից սահմանված միջազգային պատժամիջոցների պահանջները կատարելու համար կոմերցիոն բանկերը պահանջում են ուժեղացված կանխարգելիչ միջոցներ կիրառել Իրանի հետ կապված անձանց նկատմամբ, ինչպես նաեւ իրականացնել Իրանի հետ կապված գործարքների ուժեղացված մոնիթորինգ, եւ պատժամիջոցների խախտման ռիսկի դեպքում բաց չթողնել նման գործարքները»,- զգուշացրել է Ազգային բանկը։
Այս պահին մշակվել է կանոնակարգ, որը մանրամասն սահմանում է այն պահանջները, որոնց պահպանումը էապես կնվազեցնի միջազգային պատժամիջոցների պահանջների խախտման ռիսկերը։ Կարգավորումը պարտադիր է Վրաստանում գործող բոլոր բանկերի համար։
Բացի կանոնակարգից, կոմերցիոն բանկերը, ելնելով սեփական քաղաքականությունից, կարող են վերահսկողության էլ ավելի խիստ մեխանիզմներ կիրառել, ասվում է Ազգային բանկի հաղորդագրությունում։
Աղբյուրը՝ news.am