ՀՀ պետական բյուջեով Կոտայքի մարզում հիմնանորոգվել և միջին նորոգում է ստացել շուրջ 57 կմ ճանապարհահատված

Այսպիսով, հիմնանորոգվել են

Նոր Գեղի -Արգել-Արզական-Հրազդան հանրապետական նշանակության ճանապարհի 8 կմ (մինչև Արգել) և 10,8 կմ (Բջնիի հատված) ճանապարհահատվածները (ընդհանուր՝ 18,8 կմ)

Աբովյան- Արզնի - Նոր Գեղի հանրապետական նշանակության ճանապարհի 1,2 կմ հատված (Աբովյանի դիսպանսերի տարածք)

Երևանի Ջրաշխարհի մոտից Գառնի-Գեղարդ տանող հանրապետական նշանակության ավտոճանապարհի 6 կմ հատված

Պետական բյուջեով հիմնանորոգվել են նաև Հրազդանի ներհամայնքային ճանապարհներ Վանատուր, Ջրառատ, Հարավային թաղամասերում՝ ընդհանուր 4,74 կմ:

Միջին նորոգման աշխատանքներ են իրականացվել

Կոտայքի մարզի տարածքով անցնող Երևան-Սևան-Իջևան միջպետական նշանակության ճանապարհին. նորոգվել է շուրջ 14.56 կմ հատված

Կոտայքի մարզի տարածքով անցնող Երևան-Աշտարակ միջպետական նշանակության ավտոճանապարհին. նորոգվել է շուրջ 8 կմ հատված (դեպի Վրաստան գնացող ճանապարհ):

Բացի այս ծրագրերից, 2022 թվականի ընթացքում ավարտվել է նաև Գառնի-Լանջազատ մարզային նշանակության ճանապարհահատվածի հիմնանորոգումը: Սա Կոտայքի և Արարատի մարզերն իրար կապող միակ կարճ ճանապարհն է:Կոտայքի տարածքում հիմնանորոգվել է 3,7 կմ հատված: