Տոնավաճառի փակմամբ առնվազն 500 մարդ կհամալրի գործազուրկների շարքերը. «Հրապարակ»

Տոնավաճառի փակմամբ առնվազն 500 մարդ կհամալրի գործազուրկների շարքերը. «Հրապարակ»

«Հրապարակ» օրաթերթը գրում է.

«Այսօրվանից՝ փետրվարի 1-ից, կդադարեցվի «Մալաթիա» տոնավաճառի գործունեությունը։ ՀՀ քաղաքաշինության, հրդեհային եւ տեխնիկական անվտանգության տեսչական մարմինը, ըստ որոշ տեղեկությունների, առավոտվանից ուժայինների հետ կայցելի տոնավաճառ, որպեսզի կազմակերպեն տոնավաճառի փակման գործընթացը։ 

Իսկ դա նշանակում է, որ առնվազն 500 մարդ կհամալրի գործազուրկների շարքերը․ Մալաթիայի հագուստի շուկայում 550 տաղավար է գործում։ ՔՀՏԱ տեսչական մարմինը տոնավաճառի գործունեությունը կասեցնելու որոշում է ընդունել, քանի որ տնտեսվարողը հակահրդեհային կանոնների արձանագրված 17 խախտումից մի քանիսը չի վերացրել։ Ըստ որոշ տեղեկությունների՝ «Մալաթիա» տոնավաճառից հետո կփակվի «Գնունի» շինանյութի շուկան»։

Հոդվածն ամբողջությամբ` թերթի այսօրվա համարում:  

Աղբյուրը՝   shabat.am