Ձնահյուսի վտանգի պատճառով Լարս տանող ճանապարհի մի հատվածը փակ է
Վրաստանի Տարածաշրջանային զարգացման նախարարության Ավտոմոբիլային ճանապարհների վարչությունը որոշել է տրանսպորտի բոլոր տեսակների համար ձնահյուսի վտանգի պատճառով փակել Գուդաուրի-Կոբի մայրուղին, որը Ռազմավիրական ճանապարհի մի մասն է։
«Շրջակա միջավայրի ազգային գործակալության տվյալներով՝ Մցխեթա-Ստեփանծմինդա-Լարս ավտոմոմբիլային ճանապարհի (խմբ.՝ Ռուսաստանի Դաշնության հետ սահման) Գուդաուրի-Կոբի հատվածում առկա է ձնահյուսի մեծ վտանգ, ինչի պատճառով այդ հատվածում արգելված է բոլոր տեսակի տրանսպորտային միջոցների երթևեկությունը», – ասված է հաղորդագրության մեջ։
Ինչպես նշվում է, ճանապարհի մյուս հատվածներում երթևեկությունն ազատ է։ Հունվարի 5-ին գերատեսչությունը հայտնել էր, որ ձյան տեղումների և մերկասառույցի պատճառով Գուդաուրի-Կոբի մայրուղու երթևեկությունը փակ է կցորդիչներով և կիսակցորդիչներով ավտոտրանսպորտի համար։
Ռազմավիրրական ճանապարհն անցնում է գլխավոր Կովկասյան լեռնաշղթայով և Վլադիկավկազ ու Թբիլիսի քաղաքները միացնում է իրար՝ Ռուսաստանը կապելով Վրաստանի և Անդրկովկասի մյուս երկրների հետ։ Ռուսական հատվածում երթուղին անցնում է Հյուսիսային Օսիայի տարածքով։ Ձմռանը ճանապարհը հաճախ փակվում է վատ եղանակի պատճառով։
Աղբյուրը՝ b24.am