Դոնալդ Թրամփը Նյու Յորքի դատարանի առաջ կանգնեց
ԱՄՆ նախկին նախագահ Դոնալդ Թրամփը Նյու Յորքի դատարանի առաջ է կանգնել իշխանություններին հանձնվելուց հետո, հայտնում է CNN-ը։
Սպասվում է, որ նա իրեն մեղավոր չի ճանաչի, և կլինի պատմության մեջ առաջին նախկին նախագահը, որին քրեական մեղադրանք է ներկայացվել:
Մեղադրական եզրակացության հրապարակումը նախատեսվում է երեքշաբթի օրը, որը թույլ կտա ծանոթանալ մեղադրանքների առաջին հրապարակային մանրամասներին: CNN-ը հայտնել է, որ Թրամփին կներկայացվի բիզնես խարդախության հետ կապված ավելի քան 30 մեղադրանք՝ 2016 թվականին պոռնոդերասանուհուն վճարված գումարների գործի քննության շրջանակներում:
Երկուշաբթի երեկոյան դատավորը որոշում է կայացրել, որ լրատվամիջոցներին թույլ չի տրվի հեռարձակել դատավարությունը, սակայն հինգ լուսանկարիչների թույլ կտան լուսանկարել:
Թրամփի փաստաբանական թիմը հայտարարել է, որ ԱՄՆ նախկին նախագահը մտադիր է վիճարկել մեղադրանքները: Դրանց ներկայացումից հետո Թրամփը պետք է վերադառնա Ֆլորիդա, և հայտարարությամբ հանդես գա Մար-ա-Լագոյում:
Աղբյուր՝ news.am