Google-ը որոնողական համակարգում կավելացնի արհեստական ​​ինտելեկտով չաթբոտ

Google-ը նախատեսում է իր որոնողական համակարգում ավելացնել արհեստական ինտելեկտի վերբալ  գործառույթներ: Այս մասին The Wall Street Journal-ին տված հարցազրույցում ասել է ընկերության ղեկավար Սունդար Պիչայը։

Կորպորացիայի ղեկավարը նշել է, որ Google-ը կշարունակի կատարելագործել Bard AI-ի վրա հիմնված չաթ բոտը, որը ներկայացվել է այս տարվա փետրվարին՝ արհեստական ​​ինտելեկտի նոր մոդելների օգնությամբ։

Կորպորացիան մշակում է նոր տեխնոլոգիա՝ արդյունավետորեն մրցակցելու Microsoft-ի հետ, որը նախկինում 10 միլիարդ դոլար է ներդրել ChatGPT-ի՝ արհեստական ​​ինտելեկտի վրա հիմնված չաթբոտի մշակման համար, որը կարող է աշխատել խոսակցական ռեժիմում և նմանակել մարդկանց խոսակցությունը: Փորձագետների կարծիքով՝ այս տեխնոլոգիայի օգնությամբ Microsoft-ի ծառայությունները կկարողանան կատարել ավելի բարդ առաջադրանքներ, քան տեքստի ուղղումը։

Հիշեցնենք՝ անցած ամիս Google-ը բացեց իր խոշորագույն AI համակարգերից մեկը՝ Pathways լեզվի մոդելն իր ամպային հաշվողական ծառայության մշակողների համար: