Մեծ Բրիտանիան նոյեմբերից ԵՄ-ից ապրանքների ներմուծման նոր կանոններ է սահմանում

Մեծ Բրիտանիան հայտարարել է նոյեմբերից Եվրամիությունից ապրանքների ներմուծման պարզեցված կանոնների ներդրման մասին։

Նոր կանոնները «նվազագույնի կհասցնեն ընկերությունների բեռը և կապահովեն սահմանների անվտանգությունը՝ միաժամանակ հարգելով միջազգային չափանիշները»: Այս մասին ասված է Մեծ Բրիտանիայի կառավարության հայտարարության մեջ:Փոփոխություններին համապատասխան՝ ԵՄ-ից մատակարարների համար ներդրվում է մեկ պատուհանի ռեժիմ, որը թույլ է տալիս նրանց հնարավորինս սահմանափակել իրենց մասնակցությունը փաստաթղթերի հավաքագրմանը և նվազեցնել բյուրոկրատական ​​ընթացակարգերը:

Միևնույն ժամանակ, բրիտանական վերահսկիչ մարմինները եվրոպական ֆիրմաներից կպահանջեն բուսասանիտարական սերտիֆիկատներ կենդանական և բուսական արտադրանքի համար, իսկ 2024 թվականի փետրվարից սահմանը հատելիս բոլոր փաստաթղթերի ամբողջական ստուգում կիրականացվի։ Նոր դրույթներն ուժի մեջ կմտնեն երեք փուլով՝ 2023 թվականի նոյեմբերից մինչև 2024 թվականի նոյեմբերը։

Հիշեցնենք՝ առևտրի և համագործակցության համաձայնագիրը, որն ուժի մեջ է մտել 2021 թվականին և կարգավորում էր առևտուրը Մեծ Բրիտանիայի և ԵՄ-ի միջև այն բանից հետո, երբ Մեծ Բրիտանիան լքեց համայնքը, զգալիորեն սահմանափակեց ապրանքների ազատ տեղաշարժը:

Աղբյուր՝ b24.am