Google-ը Հարավային Կորեայում տուգանել է 32 մլն դոլարով՝ բջջային խաղերի շուկայում խախտումների համար

Հարավային Կորեայի Արդար առևտրի հանձնաժողովը Google-ին տուգանել է 41,1 միլիարդ վոն (31,9 միլիոն դոլար) բջջային խաղերի շուկայում անբարեխիղճ մրցակցության համար, հայտնում է Public News Service-ը:

Խոսքը ներխաղային գովազդի մասին է, որը կորպորացիան տրամադրել է հրատարակիչներին Google Play հավելվածների խանութում խաղերի բացառիկ թողարկման դիմաց։ Կարգավորողը համարել է, որ դա արվել է մրցակցի՝ One Store-ի հարավկորեական անալոգի դիրքերը խաթարելու համար։

«Արգելափակելով խաղերի թողարկումը One Store-ում, ԱՄՆ կորպորացիան խոչընդոտում էր նորարարություններին, վնասելով սպառողներին հավելվածների խանութներում և բջջային խաղերի ոլորտում», - ասվում է հանձնաժողովի հայտարարության մեջ:

Արդյունքում երկու տարվա ընթացքում Google-ի մասնաբաժինը 80-85%-ից հասել է 90-95%-ի, մինչդեռ One Store-ի մասնաբաժինը 15-20%-ից նվազել է մինչև 5-10%: