Գերմանիայի խոշորագույն բանկը Ռուսաստանում կկրճատի բիզնեսի մի մասը
Գերմանիայի խոշորագույն բանկը՝ Deutsche Bank-ը, պատրաստվում է վեց ամսվա ընթացքում կրճատել իր տեղեկատվական տեխնոլոգիաների (ՏՏ) կենտրոնների գործունեությունը Մոսկվայում և Սանկտ Պետերբուրգում, գրում է Financial Times-ը՝ հղում անելով աղբյուրներին։
Բանկը Ռուսաստանում մնացած 500 ՏՏ մասնագետներիn առաջարկել է արձակուրդային անհատական վճար: 2022 թվականի փետրվարին Deutsche Bank-ի ռուսական կենտրոններում աշխատել է 1500 մարդ, ովքեր պատասխանատու են եղել բանկի միջազգային բիզնեսի և նրա կորպորատիվ համակարգի ծրագրային ապահովման մշակման և աջակցության համար։
Արդյունքում ընկերությունը Ռուսաստանում իր բոլոր աշխատակիցներին առաջարկել է տեղափոխվել Գերմանիա։ Նրանցից մոտ կեսը՝ 700 հոգի, համաձայնել են և սկսել աշխատել Բեռլինի նոր տեխնոլոգիական կենտրոնում։ Շատ աշխատակիցներ տեղափոխվել են ընտանիքներով, ուստի Ռուսաստանից հեռացածների ընդհանուր թիվը կազմել է երկու հազար մարդ։