Այսօրվանից կգործարկվի 1 համարի երթուղին, կվերականգնվի 58 համարի ավտոբուսի ակտիվ երթևեկությունը

Երևանի փոխքաղաքապետ Տիգրան Ավինյանը ֆեյսբուքյան իր էջում տեղեկացրել է. որ այսօրվանից կգործարկվի 1 համարի երթուղին, կվերականգնվի 58 համարի ավտոբուսի ակտիվ երթևեկությունը:

«2 նոր երթուղի 1 օրում

Օրը սկսենք հաճելի նորությամբ՝ Երևանի բնակիչների համար։

Այսօրվանից կգործի 1 համարի նոր երթուղին, ինչպես նաև կվերականգնվի 58 համարի ավտոբուսի ակտիվ երթևեկությունը։

1 համարի երթուղին Աջափնյակը կկապի Քանաքեռ-Զեյթունին՝ անցնելով Կենտրոնով։

Իսկ 58 համարի ավտոբուսի աշխատանքը այսօրվանից կլինի ակտիվ և համակարգված՝ ավանը կապելով Էրեբունու հետ»,- գրել է նա: