ԵՄ-ն Վրաստանին կոչ է անում թույլ չտալ ռուսական ինքնաթիռներին մուտք գործել իր տարածք
ԵՄ արտաքին քաղաքական ծառայության ներկայացուցիչ Պետեր Ստանոն կոչ է արել Վրաստանին, որը հավակնում է անդամակցել ԵՄ-ին, թույլ չտալ ռուսական ինքնաթիռներին մուտք գործել իր տարածք։
Այս մասին հաղորդում է Reuters-ը։
ԵՄ-ն նաեւ կոչ է անում Վրաստանին իր տարածք չթողնել ոչ անվտանգ ռուսական ինքնաթիռներ, քանի որ ԵՄ-ի եւ ԱՄՆ-ի պատժամիջոցները թույլ չեն տալիս Ռուսաստանին ծառայություններ մատուցել դրանց լիցենզավորված սպասարկման համար:
Ավելի վաղ հաղորդվել է, որ ռուսական ավիաընկերությունները կարող են թռիչքներ սկսել դեպի Վրաստան արդեն հաջորդ շաբաթ:
Ռուսաստանի տուրօպերատորների ասոցիացիայի փոխնախագահ Արթուր Մուրադյանը հայտարարել է, որ Ռուսաստանի եւ Վրաստանի միջեւ թռիչքները կարող են վերսկսվել մեկ ամսվա ընթացքում: Նրա խոսքով՝ դա տեղի կունենա, եթե Վրաստանը բարդ պայմաններ չառաջադրի։ Մուրադյանը նաեւ ընդգծել է, որ Ռուսաստանի զբոսաշրջային ոլորտին Վրաստանը պետք է եւ հետաքրքիր է։
Աղբյուրը՝ news.am