Եվրահանձնաժողովը 2023-ին Չինաստանի ՀՆԱ-ի աճի իր կանխատեսումը բարձրացրել է մինչև 5.5%

Չինաստանը կդառնա աշխարհի խոշոր տնտեսությունների մեջ ամենաարագ աճող երկիրը, ընդ որում՝ ՀՆԱ աճը ընթացիկ տարում ակնկալվում է 5.5%, իսկ 2024-ին՝ 4.7%: Այս մասին ասվում է Եվրահանձնաժողովի գարնանային տնտեսական կանխատեսման մեջ։ Աշնանային կանխատեսումներում ԵՀ-ն Չինաստանում ակնկալում էր 4.5% աճ 2023-ին, իսկ 2024-ին՝ 4.7%:

Կանխատեսվում է, որ 2023 թվականին ԱՄՆ տնտեսությունը կաճի մինչև 1.4%, իսկ 2024 թվականին աճը կդանդաղի մինչև 1%: Աշնանային կանխատեսմամբ ԵՀ-ն ակնկալում էր համապատասխանաբար 0.7% և 1.7% աճ, մինչդեռ ընթացիկ տարում ԵՄ տնտեսությունը կաճի 1%-ով։

Ինչ վերաբերում է ողջ աշխարհին, բացառությամբ ԵՄ երկրների, 2023 թվականին համաշխարհային ՀՆԱ-ի աճը կանխատեսվում է 3.1%՝ աշնանը սպասվող 2.9%-ի դիմաց, իսկ 2024 թվականի կանխատեսումը 3.4%-ից իջեցվել է 3.3%-ի։

Աղբյուրը՝   b24.am