ՄԱԿ ԶՀԿ Գինու զբոսաշրջության 8-րդ համաշխարհային համաժողովը տեղի կունենա Հայաստանում

Նոյեմբերի 24-ին Իսպանիայի Լա Ռիոխա քաղաքում կայացած ՄԱԿ ԶՀԿ Գինու զբոսաշրջության 7-րդ համաշխարհային համաժողովի ընթացքում Հայաստանին պաշտոնապես շնորհվեց 2024 թվականին հաջորդ՝ ՄԱԿ ԶՀԿ Գինու զբոսաշրջության 8-րդ համաշխարհային համաժողովը անցկացնելու ԿԱՐԱՍԸ/ամֆորան/հերթափոխը։ Այս մասին տեղեկացնում են ՀՀ զբոսաշրջության կոմիտեից։

Կոմիտեն ՄԱԿ Զբոսաշրջության համաշխարհային կազմակերպությանն իր խորին երախտագիտությունն է հայտնում այս հեղինակավոր միջոցառման հյուրընկալման արտոնությունը Հայաստանին վստահելու համար։

Ըստ ՀՀ զբոսաշրջության կոմիտեի հաղորդագրության, Լա Ռիոխայում կայացած համաժողովին Հայաստանը ներկայացավ ի դեմս Զբոսաշրջության կոմիտեի և Հայաստանի խաղողագործության և գինեգործության հիմնադրամի:

Համաժողովի շրջանակներում ՀԽԳՀ գործադիր տնօրեն Զարուհի Մուրադյանը մասնակցեց "Գինու զբոսաշրջության ազգային և տարածաշրջանային ռազմավարություններ" խորագրով պանելային քննարկմանը որպես պատվավոր խոսնակ։

Համաժողովի մանրամասներին ծանոթանալու համար կարող եք անցնել հետևյալ հղումով՝