Հայ-վրացական հուշագիր` միջմշակութային կապերը ամրապնդելու նպատակով

Հայ-վրացական բարեկամական կապն ամրացնելու, երկու ժողովուրդների միջմշակութային երկխոսությունը խթանելու և Հայաստանը միջազգային շուկայում առավել ճանաչելի դարձնելու նպատակով արդեն երկրորդ տարին է ինչ Տուրիզմի հայկական ֆեդերացիան  Հայ խոհարարական ավանդույթների զարգացման ու պահպանման ՀԿ-ի հետ համատեղ կազմակերպում է հայ-վրացական  փառատոն, որը համեմված է երկու ազգերի մշակութային և խոհանոցային տարրերով: Փառատոնն  այս տարի անցկացվելու է հունիսի 22-ին, Դիլիջանում:

Հենց այդ օրը ժամը՝ 16:00-ից սկսած զբոսաշրջային քաղաքն իր շուրջ է համախմբելու աշխարհի տարբեր անկյուններից ժամանած հյուրերին՝ նրանց հնարավորություն տալով մեկ վայրում ծանոթանալ  երկու երկրների մշակույթին:   Փառատոնի անվան ու անցկացման վայրը պատահական չի ընտրված:  Ի պատիվ Հայ-վրացական բարեկամությունը  խորհրդանշող հանրահայտ ֆիլմի՝  փառատոնը ստացել է «Միմինո» անվանումը: Ֆիլմում երկու ընկերներին մարմնավորված մեծանուն արտիստներ  Մհեր Մկրտչյանի և Վախթանգ Կիկաբիձեի փայլուն դերակատարման շնորհիվ ավելի ամրապնդվեց հայ-վրացական դարավոր կապը:  Ֆիլմում երկու ընկերների  ծննդավայր հանդիսացող հայկական Դիլիջանն ու վրացական Թելավին առանցքային դեր ունեն փառատոնի անցկացման ընտրության հարցում:

Տուրիզմի հայկական ֆեդերացիայի նախագահ Մեխակ Ապրեսյանը  հենց այդ խորհրդով է  բացատրում փառատոնի կազմակերպումը Դիլիջանում: Նպատակ ունեն, այն հաջորդ տարի անցկացնել նաև Վրաստանի Թելավի քաղաքում: Ապրեսյանի խոսքով փառատոնի հիմնարար  նպատակը՝ երկու երկրների համագործակցությամբ  միասնական զբոսաշրջային արդյունքի ձևավորմանը նպաստելն է: Կարևորելով նաև այն փաստը, որ այն օգնում է որպեսզի մեր երկիրն աշխարհին ներկայանա որպես կայուն ու ապահով, զբոսաշրջության համար գրավիչ երկիր:  Փառատոնի ողջ ընթացքն ուղեկցվելու է հայ-վրացական ազգային երգ ու պարով, խոհանոցային բազմատեսակ ճաշատեսակների համտեսմամբ : 

Ինչպես ֆիլմը, այնպես էլ այս փառատոնը միտված է Կովկասյան ամենահին երկու ազգերի փոխշփման բարձրացմանն  ու  միմյանց ազգայինը  ճանաչելի դարձնելու շնորհիվ նպաստել դարերով հարևան պետությունների՝  տնտեսական, մշակութային կապերի ընդլայնմանը:

Այս ասոցիացիան իր շուրջն է միավորում  Վրաստանի կին գործարաներին: Ասոցիացիայի գլխավոր նպատակն է բնակչության սոցիալական որակի բարձրացումը, ինչպես նաև տարածաշրջանում հասնելու կայունության ու խաղաղության: Համագործակցային այս հուշագիրը նպատակ ունի այստեղ համախմբել Վրաստանի կին գործարարներին և առանձին տաղավարներով ներկայացնել նրանց գործունեությունը:

Ասոցիացիայի նախագահ Նազի Բուրդուլաձեն էլ նշեց, որ Հայաստանում  իրենց զգում են ինչպես տանը և, որ տպավորված են հայերի հյուրասիրությամբ: Բուրդուլաձեն կարևորեց  փառատոնի անցկացումը Հայաստանում՝ ընդգծելով  որ  այս համատեղ նախաձեռնության  շնորհիվ երկուստեք ձեռք են բերում աշխատանքային մեծ փորձառություն:  Նմանատիպ ծրագրերը ուղղված են զարգացնելու երկրների տնտեսական ներուժը:

Տուրիզմի հայկական ֆեդերացիայի և Հայ խոհարարական ավանդույթների զարգացման ու պահպանման ՀԿ-ի հետ սա առաջին համագործակցությունը չէ: Հայ ազգային խոհանոցի պահպանման ջատագով Սեդրակ Մամուլյանի հետ միասին նմանատիպ  մի ծրագիր արդեն իրականացրել են նաև  հայ-իրանական միջմշակութային հաղորդակցության բարձրացման նպատակով:

Այս և նմանատիպ  ծրագրերը լինելու են շարունակական, վստահեցրեց Մեխակ Ապրեսյանը: