Հայաստանը կստորագրի Artemis լուսնի հետազոտման համաձայնագրերը

Նախատեսվում է, որ Հայաստանը կստորագրի NASA-ի և ԱՄՆ Պետքարտուղարության կողմից մշակված Artemis լուսնի հետազոտման համաձայնագրերը։

Այս մասին հայտնում է NASA Watch-ը՝ X-ի իր էջում՝ լուսաբանելով NASA-ի նորությունները։

Համաձայնագիրը կստորագրվի հունիսի 12-ին՝ NASA-ի ադմինիստրատոր Բիլ Նելսոնի կողմից կազմակերպված արարողության ժամանակ՝ գործակալության Վաշինգթոնի կենտրոնակայանում։

Արարողությանը ներկա կլինեն նաև ԱՄՆ Պետդեպարտամենտի պաշտոնյաները:

Նշենք, որ Արտեմիսի համաձայնագրերը մի շարք ոչ պարտադիր երկկողմանի պայմանավորվածություններ են Միացյալ Նահանգների կառավարության և աշխարհի այլ կառավարությունների միջև, որոնք մշակում են այն նորմերը, որոնց ակնկալվում է հետևել տիեզերքում:

Պայմանագրերը կապված են Ամերիկայի կողմից ղեկավարվող Արտեմիս ծրագրի հետ։ Վերջինս ուղղված է մինչև 2026 թվականը մարդկանց Լուսին վերադարձնելու ջանքերին, և դրա վերջնական նպատակն է ընդլայնել տիեզերական հետազոտությունները դեպի Մարս և դրանից դուրս։

Մինչ օրս 42 երկիր է ստորագրել այս համաձայնագիրը, այդ թվում՝ 20-ը՝ Եվրոպայում, 8-ը՝ Ասիայում, 6-ը՝ Հարավային Ամերիկայում, 3-ը՝ Հյուսիսային Ամերիկայում, 3-ը՝ Աֆրիկայում և 2-ը՝ Օվկիանիայում։

Աղբյուրը՝    how2b.am