ԱՄՆ պետական պարտքն առաջին անգամ գերազանցել է 35 տրիլիոն դոլարը
ԱՄՆ պետական պարտքը պատմության մեջ առաջին անգամ գերազանցել է 35 տրիլիոն դոլարը: Ըստ ԱՄՆ գանձապետարանի տվյալների՝ հուլիսի 26-ին այդ ցուցանիշը հասել է ռեկորդային 35.001 տրիլիոն դոլարի:
Պետական պարտքն այն է, ինչ ԱՄՆ կառավարությունը պարտք է իր պարտատերերին: Փոխառությամբ գումար են վերցնում բյուջեի դեֆիցիտը ծածկելու և ծախսերը վճարելու համար:
ԱՄՆ պետական պարտքը բաղկացած է երկու մասից՝ ներքին և պետական. դրանց չափն ընթացիկ տարվա հուլիսին հասել է համապատասխանաբար 7.2 տրիլիոն և 27.8 տրիլիոն դոլարի: Առաջինը պայմանավորված է պետական կառույցներին, օրինակ՝ կենսաթոշակային հիմնադրամներին ԱՄՆ պետպարտքով: Արտաքին պետական պարտքը օտարերկրյա կառավարություններին, անհատներին, կորպորացիաներին և Դաշնային պահուստային համակարգին պարտքն է:
Պետական պարտքն ավելանում է բյուջեի պակասուրդի ավելացման պատճառով: Բյուջեն դեֆիցիտ է ունենում, երբ ծախսերը գերազանցում են եկամուտը: Վերջին անգամ ԱՄՆ եկամուտները գերազանցել են ծախսերը 2001-ին: Դեֆիցիտը ծածկելու համար կառավարությունը մեծացնում է պետական պարտքը: 2023 թվականի տվյալներով՝ ամենաշատ միջոցները հատկացվել են բնակչության սոցիալական ապահովությանը (35%), երկրորդ տեղում առողջապահությունն է, երրորդում՝ ազգային անվտանգությունը:
Աղբյուրը` b24.am