News.am. Շրի Լանկան 35 երկրների քաղաքացիների անվճար զբոսաշրջային վիզաներ տրամադրելու հավանություն է տվել
Շրի Լանկայի կառավարությունը 35 երկրների քաղաքացիների անվճար զբոսաշրջային վիզաներ տրամադրելու հավանություն է տվել, ներառյալ Չինաստանը, Հնդկաստանը եւ Ռուսաստանը, News.am–ի փոխանցմամբ, տեղեկացրել է Reuters-ը։
Նշվել է, որ այս քայլը ձեռնարկվել է տուրիզմի խթանման նպատակով։
Զբոսաշրջիկներին կտրամադրվեն 30-օրյա վիզաներ վեցամսյա պիլոտային ծրագրի շրջանակում, որը կսկսվի հոկտեմբերի 1-ից, տեղեկացրել է տրանսպորտի նախարար Բանդուլա Գունավարդանան։
«Կառավարության նպատակը Շրի Լանկան անվիզա ռեժիմի երկրի վերածելն է, ինչպիսին են Սինգապուրը, Թաիլանդը եւ Վիետնամը, որպեսզի օգտվենք տուրիզմի առավելություններից», - ասել է Գունավարդանան լրագրողներին ամենշաբաթյա ճեպազրույցում։
Ավելին` news.am