Ինչ նպատակով է կարելի ծախսել սոցփաթեթի միջոցները
ՀՀ աշխատանքի և սոցիալական հարցերի նախարարությունը ներկայացրել է, թե ինչ նպատակներով է հնարավոր ծախսել սոցփաթեթի միջոցները։
Ինչպես տեղեկացնում են նախարարությունից` ներկայումս սոցփաթեթի շահառու է հանդիսանում շուրջ 123 300 անձ։
Սոցփաթեթի միջոցները կարող են ծախսվել հետևյալ ուղղություններով՝
- ուսման վճարի փոխանցում,
- ուսանողական վարկի ամսական վճարի մարում,
- հանգստի ապահովում ՀՀ տարածքում,
- գույքի ձեռքբերման կամ կառուցապատման նպատակով տրամադրված բոլոր տեսակի հիփոթեքային վարկերի ամսական վճարի մարում,
- մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից օգտվելու վճարի մարում,
- առողջապահական փաթեթի մեջ չներառված լրացուցիչ ծառայություններից օգտվելու վճարի մարում (օրինակ՝ ստոմատոլոգիական ծառայություններ):