Վանաձորում և Նոյեմբերյանում կատարվող աշխատանքների մասին՝ համառոտ

 

 Ձեզ ենք ներկայացնում  համառոտ տեղեկատվություն Վանաձոր և Նոյեմբերյան համայնքներում աշխատանքների, իրադարձությունների մասին: Ըստ տարածքային կառավարման մարմինների հրապարակումների.

Վանաձոր համայնքում 2024 թվականին ևս պետություն-համայնք համատեղ ներդրմամբ իրականացվող սուբվենցիոն ծրագրերը շարունակվում են:

Այս տարի նախատեսվում է հիմնանորոգել Վանաձոր համայնքի.

• Ուսանողական, Շինարարների և Վ․Համաբարձումյան փողոցները: Ծրագրի արժեքը 738 500 000 դրամ է։ Մրցույթը կայացել է։

• Վանաձոր համայնքի Տարոն 2, 4 թաղամասերի ծրագրի արժեքը 791 250 000 դրամ է։ Մրցույթը կայացել է։

• Վանաձոր համայնքի Գուգարք բնակավայրի փողոցները: Ծրագրի արժեքը 158 250 000 դրամ է։ Մրցույթը կայացել է։

• Վանաձոր համայնքի Դարպաս բնակավայրի ներհամայնքային փողոցները՝ սալարկմամբ: Ծրագրի արժեքը 116 050 000 դրամ է։

Շարունակվում են՝

• Վանաձոր համայնքի թիվ 4 տնակային մանկապարտեզի շենքի (1-ին և 2-րդ փուլ) կառուցման աշխատանքները: Ծրագրի արժեքը 174 762 000 դրամ է։

• Վանաձոր համայնքի թիվ 8 տնակային մանկապարտեզի շենքի կառուցման (2-րդ փուլ) աշխատանքները: Ծրագրի արժեքը 308 581 002 դրամ է։

 Տավուշի մարզպետ Հայկ Ղալումյանը աշխատակազմի պատասխանատուների հետ այսօր այցելել է Նոյեմբերյան համայնք։

Մարզպետը Նոյեմբերյան համայնքի ղեկավար Արսեն Աղաբաբյանի ուղեկցությամբ շրջել է Ոսկեւան, Բագրատաշեն եւ Դեբեդավան բնակավայրերում։

Ոսկեւան բնակավայրում Հայկ Ղալումյանը դիտարկել է փլուզվող ճանապարհը։ Քննարկվել են ճանապարհի հիմնանորոգման հետ կապված մի շարք հարցեր։

Բագրատաշեն բնակավայրում մարզպետը ծանոթացել է բնակելի շենքի տանիքի վերանորոգման աշխատանքներին։ Աշխատանքներն իրականացվում են համայնքային միջոցներով։

Դեբեդավան բնակավայրում Հայկ Ղալումյանը ծանոթացել է պետական բյուջեով հիմնանորոգվող ճանապարհի շինաշխատանքներին։

Այցի շրջանակում մարզպետը հանդիպել է նաեւ բնակիչներին։ Հանդիպման ընթացքում քննարկվել են բնակավայրերում առկա խնդիրները, դրանց լուծման տարբերակները, համապատասխան ոլորտների ներկայացուցիչները ստացել են հանձնարարականներ։