ԵՆԲ հետ քննարկվել է Սյունիքում ջրամակատարարման հարցը

ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանն ընդունել է Եվրոպական ներդրումային բանկի ներկայացուցիչներին (ԵՆԲ)։  Ինչպես հայտնում են ՏԿԵՆ-ից,ԵՆԲ-ի ներկայացուցիչների այցի նպատակը  Սյունիքի մարզում խմելու ջրի մատակարարման հետ կապված հարցերի քննարկումն էր։ 

ԵՆԲ-ի վարկային գծով ավագ պատասխանատու Ստեֆանի Գիհարդը ներկայացրել է տարբեր երկրներում իրենց ունեցած փորձը, խոսել Սյունիքում իրականացվելիք ծրագրերից։ Գիհարդը նշել է, որ շրջանակային համաձայնագրի շրջանակներում ցանկանում են ծրագրեր իրականացնել կրթության, առողջապահության և ջրային ոլորտներում։

Հանդիպման ընթացքում քննարկվել են Հայաստանում ջրային ոլորտում իրականացվող ծրագրերը, նախանշվել համագործակցության հնարավոր այլ ուղղություններ։