Դուբայում գերնեղ երկնաքեր կկառուցեն

Արաբական Միացյալ Էմիրությունների մայրաքաղաք Դուբայի կենտրոնում կհայտնվի380 մետր բարձրությամբ Muraba Veil երկնաքեր. նախագիծը ներկայացրել է իսպանական RCR Arquitectes ճարտարապետական ​​ստուդիան:

naked-science -ը հայտնում է, որ շենքի հիմնական առանձնահատկությունը լինելու է լայնությունը՝ այն կկազմի ընդամենը 22,5 մետր։

73 հարկանի աշտարակում կտեղավորվի 131 բնակարան, սպա սրահ, ռեստորան, գեղարվեստական պատկերասրահ, հանդիպումների դահլիճներ և կինոթատրոն։

Նման «նեղ» շենքը, ըստ ճարտարապետների, պետք է գրավի զբոսաշրջիկների ուշադրությունը։ Սակայն Muraba Veil-ը չի դառնա աշխարհի ամենանեղ երկնաքերը. այս տիտղոսը կպահպանի Նյու Յորքի «Սթեյնուեյ»  (Steinway Tower) աշտարակը, որի հիմքի լայնությունը 18 մետրից փոքր-ինչ պակաս է: