500 մանկապարտեզից 157-ում հիմնանորոգման աշխատանքներն արդեն ավարտված են

500 մանկապարտեզների կառուցման և հիմնանորոգման ծրագրի շրջանակում Հայաստանի կառավարությունը հաստատել է 364 հաստատությունների աշխատանքային ծրագիրը։ ԿԳՄՍ նախարար Ժաննա Անդրեասյանի խոսքով,  դրանցից 157-ում աշխատանքներն արդեն ավարտված են։

Բոլոր ուսումնական հաստատությունները լաբորատորիաներով կահավորելու մասով «աշխատանքներ են իրականացվել 648 դպրոցներում, որոնք կամ արդեն ավարտվել են, կամ գտնվում են ավարտական ​​փուլում։ Մինչեւ տարեվերջ դրանք բոլորը կսկսեն գործել»: