910 մլն դոլարի ֆինանսավորում ՀԲ-ից Թուրքիային

Համաշխարհային բանկը հաստատել է Թուրքիային երկու փուլով  910 մլն դոլարի ֆինանսավորում տրամադրելու որոշումը. 660 մլն դոլար կուղղվի  երկաթուղային փոխադրումների ոլորտին,  250 մլն դոլար՝ հանրային առողջապահության ոլորտը բարելավելու նպատակով։

Ֆինանսավորման ծրագրի շրջանակներում Սիվասի Դիվրիգի շրջանի և Կարսի միջև 660կմ երկարությամբ ամբողջությամբ էլեկտրիֆիկացված և ժամանակակից երկաթուղային գիծ կանցկացվի, կընդլայնվի պատվաստանյութերի արտադրությունը, կուժեղացվի արտակարգ իրավիճակներին դիմակայելու և արագ արձագանքելու կարողությունը: