Sputnik. ԵՏՀ խորհուրդը հավանություն է տվել «խելացի» փոխադրումների միասնական համակարգի հայեցակարգին

 Եվրասիական տնտեսական հանձնաժողովի խորհուրդը (ԵԱՏՄ գործադիր մարմին) հաստատել է միության երկրների խելացի տրանսպորտային համակարգերի փոխգործակցության բարելավման հայեցակարգը։ Այս մասին հայտնում է ԵՏՀ մամուլի ծառայությունը։

Հայեցակարգի համաձայն՝ միության երկրները կստեղծեն միասնական տեղեկատվական տարածք, որտեղ փոխադրողները կստանան ստանդարտացված տեղեկատվություն եղանակային պայմանների, հնարավոր խցանումների և ճանապարհատրանսպորտային պատահարների մասին։

Այսօր հաստատվել են նաև ԵԱՏՄ դեղերի գրանցման և փորձաքննության կանոններում արված փոփոխությունները։ Բացի սովորական դեղամիջոցներից, ԵՏՀ-ն ցանկանում է կարգավորել նաև այն դեղամիջոցները, որոնց փաթեթավորման մեջ լրացուցիչ սարքեր են ներառված՝ ներարկման միջոցներ, չափիչ բաժակներ, գդալներ և այլն։

Այսուհետ նման դեղերի գրանցման համար փաստաթղթեր ներկայացնելիս արտադրողը պետք է ներկայացնի այդ սարքերի որակն ու ֆունկցիոնալությունը հաստատող փաստաթղթեր։

Աղբյուրը՝ arm.sputniknews.ru