Երևանի բոլոր հիմնական փողոցներն այս պահին անցանելի են. ներգրավվել է 80 հատուկ մասնագիտացված տեխնիկա և 300 աշխատակից

Մայրաքաղաքի բոլոր հիմնական փողոցներն այս պահին անցանելի են:

Երևանի քաղաքապետարանից հայտնում են, որ ողջ գիշեր աշխատանքների իրականացմանը ներգրավվել է ընդհանուր թվով 80 հատուկ մասնագիտացված և այլ տեխնիկա, ինչպես նաև 300 աշխատակից:

Այս պահին աշխատանքները շարունակվում են նաև քաղաքի երկրորդական փողոցներում, մայթերին և աստիճանահարթակներին:

Նշենք, որ երեկ Երեանը պարզապես կաթվածահար վիճակում էր, փողոցները մաքրված չէին, ավտոմեքենաները պարզապես լողում  էին սառույցի վրա, ինչը բազմաթիվ վթարների պատճառ է դարձել: Հատկանշական է, որ սառույցի պատճառով կանգ էին առել նաեւ ավտոբուսները եւ մարդիկ ոտքով էին տուն գնում: