Թրամփը հայտարարել էր, որ ցանկանում է միջուկային գործարք կնքել Իրանի հետ․ Ալի Խամենեին մերժել է

Ավելի վաղ ԱՄՆ նախագահ Դոնալդ Թրամփը հայտարարել էր, որ կցանկանար Իրանի հետ միջուկային համաձայնության հասնել, սակայն բանակցություններին հատկացված ժամանակը շուտով կարող է սպառվել:

«Իրանի նկատմամբ երկու մոտեցում կա՝ ռազմական և գործարքի կնքում։ Ես կնախընտրեի գործարքը։ Մենք կարող ենք այնպիսի գործարք կնքել, որը նույնքան լավ կլինի, որքան ռազմական հաղթանակը։ Բայց դրա համար ժամանակը սպառվում է: Այսպես թե այնպես, ինչ-որ բան պետք է տեղի ունենա»,- ասել է նա Fox News-ին տված հարցազրույցում։

ԱՄՆ նախագահը հավելել էր, որ Իրանի գերագույն առաջնորդ այաթոլլա Ալի Խամենեիին ուղղված նամակում հույս է հայտնել, որ վերջինս կցանկանա բանակցել։ Նա նաև հայտարարել է, որ գործարքը շահավետ կլինի ինչպես Վաշինգտոնի, այնպես էլ Թեհրանի համար: