Իսպանիան խոստացել է 415 միլիոն եվրո հատկացնել Ուկրաինայի վերականգնման համար

Իսպանիայի իշխանությունները խոստացել են 415 միլիոն եվրո հատկացնել Ուկրաինայի վերականգնման համար։ Այս մասին ասվում է Թագավորության արտաքին գործերի նախարարության մամուլի հաղորդագրության մեջ՝ Մադրիդում թագավորության ԱԳ նախարար Խոսե Մանուել Ալբարեսի և Ուկրաինայի ազգային միասնության նախարար Օլեքսի Չերնիշովի հանդիպման արդյունքում։

Այսպիսով, իսպանացի դիվանագետը կրկնել է, որ Մադրիդն աջակցում է Կիևին։

«Իսպանիան նաև 110 միլիոն եվրո է հատկացրել մարդասիրական օգնության համար և պարտավորվել է 415 միլիոն եվրո ուղարկել Ուկրաինայի վերականգնման համար»,- ասվում է կոմյունիկեի մեջ։

Բացի այդ, Ալբարեսը ուշադրություն է հրավիրել այն փաստի վրա, որ թագավորությունն ընդունել է մոտ 236 հազար ուկրաինացիների։

Հիշեցնենք՝ 2025 թվականի փետրվարին Իսպանիայի վարչապետ Պեդրո Սանչեսը հայտարարեց, որ Մադրիդը խոստացել է Կիևին տրամադրել 1 միլիարդ եվրոյի օգնության նոր փաթեթ։