Մետրոյում առաջին անգամ օդափոխության համակարգերի փոխարինման աշխատանքներ են իրականացվում. տեսանյութ
Մետրոպոլիտենում օդի հարաբերական խոնավությունը նվազեցնելու, կայարաններ մաքուր օդ մատակարարելու և արտակարգ իրավիճակների դեպքում (հրդեհներ) ծուխը արտանետելու նպատակով 2023թ.-ից մեկնարկել են օդափոխության համակարգերի փոխարինման աշխատանքները:
Մետրոպոլիտենից հայտնում են, որ մետրոյի շահագործումից ի վեր չփոխարինված հին համակարգերը մաշվել էին և դուրս եկել պիտանելիությունից: Ծրագրի շրջանակում տեղադրվեց օդափոխության 14 նոր համակարգ. սարքերն ավելի էներգախնայող են, որի շնորհիվ կրճատվում են ծախսերը, ինչպես նաև հարմարավետ՝ կառավարման տեսանկյունից:
Նախագիծը հնարավորություն է տվել նաև ենթակառուցվածքները փրկել քայքայումից ու ապահովել դրանց անխափան աշխատանքը։