Թրամփը սպառնացել է պատժամիջոցներ կիրառել իրանական նավթ գնելու համար

ԱՄՆ նախագահ Դոնալդ Թրամփը հայտարարել է Իրանից նավթ և նավթամթերք գնող երկրների և անհատների նկատմամբ պատժամիջոցներ կիրառելու պատրաստակամության մասին։

«Իրանից նավթի կամ նավթամթերքի ցանկացած գնում պետք է անհապաղ դադարեցվի։ Իրանից նավթի կամ նավթամթերքի ցանկացած ծավալի գնում կատարող ցանկացած երկիր կամ անհատ անմիջապես կենթարկվի երկրորդական պատժամիջոցների», – գրել է նա Truth Social սոցիալական ցանցում։

Թրամփը բացատրել է, որ նման պատժամիջոցների ցուցակներում հայտնվածները «իրավունք չեն ունենա որևէ բիզնեսով զբաղվել Միացյալ Նահանգների հետ»։