Ներքին առևտրաշրջանառությունն առաջին եռամսյակում կազմել է 1,3տրլն դրամ, աճը՝ 6%

Հայաստանի ներքին առևտրի ծավալը 2025 թվականի առաջին եռամսյակում կազմել է 1 343 627.6 մլն դրամ (ընթացիկ գներով), ինչը 6%-ով ավել է 2024 թվականի առաջին եռամսյակի համեմատ։ Այս մասին հայտնում է Հանրապետության ազգային վիճակագրական կոմիտեն։

Միևնույն ժամանակ, 2025 թվականի մարտին այս ցուցանիշը կազմել է 520 969.3 մլն դրամ, ինչը 3.2%-ով ավել է 2024 թվականի մարտի համեմատ, իսկ 2025 թվականի փետրվարի համեմատ աճել է 16.9%-ով։

Ընդհանուր ծավալի մեջ մեծածախ առևտրի շրջանառությունը հաշվետու ժամանակահատվածում կազմել է 874 011.6 մլն դրամ (մասնաբաժինը՝ 65%, աճ՝ 5.9%՝ 2024 թվականի հունվար-մարտ ժամանակահատվածի համեմատ), մանրածախ առևտրինը՝ 416 869.3 մլն դրամ (մասնաբաժինը՝ 31%, աճ՝ 5%), իսկ ավտոմեքենաների առևտրինը՝ 52 746.7 մլն դրամ (մասնաբաժինը՝ 4%, աճ՝ 15.2%)։

Մանրածախ առևտրի կառուցվածքում խանութների մասնաբաժինը կազմում է 82.5% (ծավալը՝ 344 070.0 մլն դրամ, աճ՝ 4.8%), սպառողական ապրանքների շուկաներինը՝ 3.8% (15 912.6 մլն դրամ, աճ՝ 0.7%), կրպակներինը՝ 1.3% (5 515.3 մլն դրամ, նվազում՝ 1.3%), գյուղմթերքի շուկաներինը՝ 1% (3 704.2 մլն դրամ, աճ՝ 7.9%), իսկ առևտրի այլ օբյեկտներինը՝ 11.4% (47 667.2 մլն դրամ, աճ՝ 8.6%)։