Վրաստանն իր քաղաքացիներին տեղեկացրել է, որ կարող են Իրանից դուրս գալ Հայաստանով
Իրանում Վրաստանի դեսպանատունը իր հայրենակիցներին խորհուրդ է տվել Իրանից դուրս գալ ցամաքային ճանապարհով՝ Ադրբեջանի (Աստարա), Հայաստանի (Նորդուզ), Թուրքիայի (Բազարգան) և Թուրքմենստանի (Բաջգիրանի) հետ սահմանային անցակետերով, հաղորդում է «Новости-Грузия»-ն։
Ադրբեջանի և Թուրքմենստանի միջև սահմանը հատելիս անհրաժեշտ է հատուկ թույլտվություն, որը կարելի է ստանալ Թեհրանում Վրաստանի դեսպանատան օգնությամբ։
Դիվանագիտական առաքելությունը, միաժամանակ, կոչ է արել Իրանից մեկնելու մտադրություն ունեցող բոլոր անձանց նախապես կապ հաստատելու իրենց հետ և ստանալու անհրաժեշտ հրահանգները։ Դեսպանատունը նշել է, որ դա կնվազեցնի անկայուն պայմաններում ճանապարհորդելու հետ կապված ռիսկերը։
Վրաստանի դեսպանատան կոնտակտային հեռախոսահամարները՝
+995 595 31 16 61
+98 912 075 83 97
+98 935 211 02 74