Sputnik. Գինին` մեզնից, ձուկը` ձեզնից. ինչ ծրագրեր են իրականացնում Վայոց Ձորն ու Արխանգելսկի մարզը

Մի քանի տարի առաջ Ռուսաստանի Արխանգելսկի և Հայաստանի Վայոց Ձորի մարզերի միջև ստորագրվեց համագործակցության համաձայնագիր: Նման պայմանավորվածություններ գործում են երկու երկրների տասնյակ տարածաշրջանների միջև։

Հայկական ընկերությունը Երևանի լուսացույցների «խելացի» համակարգի դեմո–տարբերակ է պատրաստում
Արխանգելսկի և Վայոց Ձորի միջև հետաքրքրությունը մեծապես պայմանավորված է նրանց հակադրությամբ՝ ինչպես կլիմայի, այնպես էլ տնտեսության մեջ: Արխանգելսկի մարզից Հայաստան են առաքվում ծովամթերք և հավաքովի փայտե տներ, Հայաստանից Ռուսաստան՝ գինի, մուրաբաներ և բանջարեղենային պահածոներ։ Համագործակցությունը դուրս է գալիս բիզնեսի շրջանակներից. հումանիտար ծրագրերի շրջանակում երկու մարզերի երեխաներն ամառային արձակուրդներն անցկացնում են միմյանց մոտ:

Այս և այլ նախաձեռնությունները քննարկվել են հունիսի սկզբին Երևանում կայացած Հայ-ռուսական միջտարածաշրջանային հերթական համաժողովում:

Փայտե տներ
Հայաստան առաքվող հավաքովի փայտե տները հիմնականում գնում են Սևանա լճի մոտ գտնվող զբոսաշրջային բազաների սեփականատերերը: Այս մասին Sputnik Արմենիայի հետ զրույցում ասաց «Էկո Տեխ» ընկերության տնօրեն Էմիլ Ալիմովը։

«Մշտական բնակության համար նման տներ հազվադեպ են գնվում։ Շատ հաճախ զբոսաշրջային հիմնարկի սեփականատերն անձնական օգտագործման համար ձեռք է բերում մեկ-երկու տնակ, իսկ մնացածը վարձակալության համար նախատեսված քոթեջներ են», - պարզաբանեց նա։

Ալիմովի խոսքով՝ ընկերությունն ամեն տարի արտադրում է մոտ 400 տուն, իսկ հայկական ուղղությամբ աշխատանքի մեկնարկից ի վեր երկիր է առաքվել 10-ից մի փոքր ավելի շինություն: Հուլիսին սպասվում է հերթական խմբաքանակը՝ ևս 6 տուն։

Նա հավելեց՝ բոլոր տները մշակվում են հատուկ լուծույթներով, որոնք պաշտպանում են վնասատուներից և հրդեհից, ինչի շնորհիվ նաև ներսում հնարավոր է ապահով անցկացնել էլեկտրալարեր:

Չվերթերի էլ կսպասենք
Տարածաշրջանների միջև համագործակցության «ցամաքային» ձևաչափը հաջողությամբ զարգանում է, իսկ ահա օդային հաղորդակցությունը դեռևս մնում է չիրագործված։

Մի քանի տարի առաջ «Արխանգելսկ օդանավակայան» ընկերությունը պատրաստել էր դեպի Ջերմուկ և Հայաստանի այլ քաղաքներ ավիաչվերթեր կազմակերպելու առաջարկներ, այդ թվում՝ Արխանգելսկից զբոսաշրջային երթուղիներ: Սակայն, ինչպես մեզ հետ զրույցում նշեց Արխանգելսկի մարզպետի առաջին տեղակալ Վահե Պետրոսյանը, այս հարցի շուրջ բանակցությունները դեռ զարգացում չեն ստացել: Հունիսի սկզբին կայացած Հայ-ռուսական միջտարածաշրջանային համաժողովում ևս այս թեման չի քննարկվել։

Գործնական շփման այլ ուղղությունների թվում Պետրոսյանը հիշատակեց Սպիտակ ծովից Հայաստան ծովամթերքի մատակարարումները։ Արխանգելսկում արդեն մի քանի տարի հաջողությամբ գործում է հայկական ապրանքների առևտրի տուն, որտեղ ներկայացված է հիմնականում սննդի ոլորտի արտադրանք՝ գինիներ, պահածոներ, քաղցրավենիք և այլ ապրանքներ:

Էն ինքնաթիռ է, նրանք՝ երեխաներ
Շարունակվում է նաև համագործակցության հուշագրով սահմանված հումանիտար համագործակցությունը Արխանգելսկի և Վայոց Ձորի մարզերի միջև: Երկու մարզերի վարչակազմերն արդեն մի քանի անգամ կազմակերպել են երեխաների փոխադարձ ուղևորություններ դեպի ամառային ճամբարներ։

Նյութն ամբողջությամբ՝ arm.sputniknews.ru