Վեց ամսով կերկարաձգվեն ԵՄ՝ Ռուսաստանի դեմ պատժամիջոցները
Բրյուսելում անցկացված գագաթնաժողովում ԵՄ առաջնորդները համաձայնության են եկել Ռուսաստանի դեմ պատժամիջոցները ևս վեց ամսով երկարաձգելու վերաբերյալ։ Ըստ ТАСС գործակալության՝ կոնսենսուսի մասին հայտնել է եվրոպական դիվանագիտական աղբյուրը։
«Գագաթնաժողովում կոնսենսուս է ձևավորվել Ռուսաստանի դեմ սահմանափակող միջոցառումների երկարաձգման վերաբերյալ», - նշել է գործակալության աղբյուրը։
Եվրամիությունն առաջին անգամ Ռուսաստանի դեմ տնտեսական պատժամիջոցներ է կիրառել 2014 թվականի ամռանը՝ դրանց տևողությունը սահմանելով վեց ամիս։ Այդ ժամանակվանից ի վեր պատժամիջոցները պարբերաբար երկարաձգվել են։ Ներկայում գործում է 17 պատժամիջոցների փաթեթ, որոնք ընդգրկում են ոլորտների լայն շրջանակ՝ ֆինանսներից և էներգետիկայից մինչև առևտուր և տեխնոլոգիաներ։
Չնայած առանձին երկրների, մասնավորապես՝ Հունգարիայի և Սլովակիայի՝ պատժամիջոցների քաղաքականության երկարաձգումը խոչընդոտելու մտադրության մասին պարբերաբար արվող հայտարարություններին, գործնականում բոլոր որոշումները մինչ օրս ընդունվել են միաձայն։
Բացի գործող միջոցառումների երկարաձգումից, գագաթնաժողովում քննարկվում է նաև Ռուսաստանի դեմ պատժամիջոցների 18-րդ փաթեթի հնարավոր ներդրումը։ Այդ քննարկման մանրամասները դեռևս չեն հրապարակվել։