Քննարկվել են մարզերի դեղապահովմանը վերաբերող հարցեր

Մարզային բժշկական կենտրոններում և առողջության առաջնային պահպանման օղակում դեղապահովման հետ կապված հարցերը, մասնավորապես` անվճար և արտոնյալ պայմաններով տրամադրվող դեղերի ցանկը քննարկելու նպատակով առողջապահության նախարարությունում շարունակվում են հանդիպումները։

Առողջապահության նախարարի տեղակալ Արտակ Ջումայանն այս անգամ հանդիպել է Արմավիրի մարզի բժշկական կազմակերպությունների ղեկավարների ու ընտանեկան բժիշկների հետ:

Ընդգծելով էլեկտրոնային եղանակով դեղերի դուրսգրման կարևորությունը՝ նախարարի տեղակալը խոսել է էլեկտրոնային առողջապահությանն ամբողջական անցման անհրաժեշտության մասին։

Քննարկվել են նաև ծրագրերը, որոնք միտված են առողջության առաջնային պահպանման օղակում կատարվելիք աշխատանքներին ու բարեփոխումներին:

Նախորդիվ նման հանդիպում կայացել է Արագածոտնի մարզի բժշկական կազմակերպությունների ներկայացուցիչների հետ։

Յուրաքանչյուր մարզային բուժկենտրոնի դեղապահովման հետ կապված խնդիր առանձին դիտարկելու և լուծումներ տալու համար հանդիպումներ կլինեն բոլոր մարզերի բուժկենտրոնների և ամբուլատորիաների ղեկավարների հետ: