65 մլն դրամ՝ «Հայաստանի հաջողության մոդելի» մշակման համար

Հայաստանի կառավարությունը բարձր տեխնոլոգիաների նախարարությանը ավելի քան 65 մլն դրամ է տրամադրել «Հայաստանի հաջողության մոդելի» ռազմավարական ծրագրի մշակման համար, ինչը  կնպաստի բարձր տեխնոլոգիական արդյունաբերության ոլորտի դիմակայունությանը նոր մարտահրավերներին:  Փաստաթուղթը կծառայի որպես ճանապարհային քարտեզ՝ խթանելու նորարարությունը, մրցունակությունը և կայուն աճը:

Հիշեցնենք, որ ռազմավարության մշակման ուղղությամբ աշխատանքները մեկնարկել էին 2024 թ.` ԱՄՆ Միջազգային զարգացման գործակալության (USAID) կողմից ֆինանսավորվող «Տնտեսական հիմքեր՝ հանուն դիմակայուն Հայաստանի» ծրագրի շրջանակում։ 2025 թ. փետրվարին ֆինանսավորման դադարեցումից հետո աշխատանքները շարունակվում են բյուջետային միջոցներով։