Վահագն Խաչատուրյանն այցելել է Հյուսիս-հարավ ճանապարհային ծրագրի շրջանակում կառուցվող թունել (տեսանյութ)

Սյունիքի մարզ կատարած այցի շրջանակում  Վահագն Խաչատուրյանն այցելել է նաև Հյուսիս-Հարավ ճանապարհային ծրագրի շրջանակում կառուցվող թունել, որտեղ տեղում հետևել է իրականացվող շինարարական աշխատանքների ընթացքին։

ՀՀ նախագահի աշխատակազմից հայտնում են, որ այցի շրջանակում նա եղել է նաև  Ճակատենում ու Ներքին Հանդում։ 

Անմիջական մթնոլորտում նախագահը զրուցել է բնակիչների հետ, հետաքրքրվել գյուղերի վիճակով, ծանոթացել առկա խնդիրներին և պատասխանել բարձրացված հարցերին։

Նախագահը հետաքրքրվել է նաև վերջին շրջանում սահմանամերձ համայնքներում կառավարության կողմից իրականացվող ընթացիկ և նախատեսվող ծրագրերի կատարման ընթացքի մասին։