2025 թվականի հունվար-հուլիս ամիսներին Հայաստանի շինարարության ոլորտի աճը գերազանցել է 20%-ը․ Եվրասիական զարգացման բանկ

2025 թվականի հունվար-հուլիսի ամիսներին Հայաստանում տնտեսական ակտիվությունն աճել է 7.0%-ով՝ նախորդ տարվա նույն ժամանակահատվածի համեմատ։ Աճը պայմանավորվել է ծառայությունների (+10.6%), առևտրի (+3.9%) և շինարարության (+20.2%) ոլորտներով, ասվում է Եվրասիական զարգացման բանկի տեղեկագրում։

Արդյունաբերությունը տարեկան անկում է գրանցել 9.8%-ով, սակայն հուլիսին արտադրությունը աճել է 2024 թվականի հոկտեմբերից ի վեր առաջին անգամ՝ տարեկան աճելով 4.2%-ով։

Գործարար ակտիվությանը նպաստում է շինարարությունը, հիփոթեքային վարկավորումը (+31% հունիսին): Պահանջարկը խթանվում է սպառողական վարկավորման բարձր աճի տեմպերով: