45 նոր տրոլեյբուսները Երևան կբերվեն 2026 թվականի առաջին կիսամյակում
Հաջորդ տարվա առաջին կիսամյակում 45 նոր տրոլեյբուսները կհասնեն Երևան։
Ավագանու այսօրվա նիստում հայտնել է Երևանի քաղաքապետ Տիգրան Ավինյանը:
«Մենք գնում ենք 12 մետրանոց 45 տրոլեյբուս, որի կանխավճարն արդեն փոխանցել ենք: Դրանք կմատակարարվեն հաջորդ տարի առաջին կիսամյակում»,- ասել է Ավինյանը:
Երևանի քաղաքապետն ընդգծեց, որ հաջորդիվ պլանավորում են ձեռք բերել 250 հատ 18 մետրանոց ավտոբուս։ Նրա խոսքով՝ այդ ավտոբուսները պետք է ձեռք բերեն մեկ խմբաքանակով։
Ըստ քաղաքապետի՝ մինչև տարեվերջ ավտոբուսների ձեռքբերման հարցը կքննարկվի ներդրումային կոմիտեի նիստում: