Fitch Ratings-ը բարձրացրել է Հայաստանի վարկանիշի հեռանկարը` գնահատելով այն «Դրական»
Fitch Ratings միջազգային վարկանիշային գործակալությունը բարձրացրել է Հայաստանի վարկանիշի հեռանկարը՝ գնահատելով այն «Դրական», ֆեյսբուքի իր էջում գրել է ՀՀ վարչապետ Նիկոլ Փաշինյանը։
Միաժամանակ հաստատվել է երկրի վարկանիշը «BB-» մակարդակում։
Գործակալության որոշումը, ըստ ՀՀ վարչապետ Նիկոլ Փաշինյանի, վկայում է, որ Հայաստանի տնտեսական քաղաքականությունն ու ինստիտուցիոնալ կայունությունը ձեռք են բերում ավելի մեծ կշիռ միջազգային շուկաներում։
«Սա վստահության հայտ է մեր պետության տնտեսական դիմակայունությանն ու քաղաքական կամքին»,– գրել է Փաշինյանը։
Փաշինյանի խոսքով՝ երկրի տնտեսական զարգացման ընթացքը թևակոխում է վստահության նոր փուլ։