Լրագրողական մրցույթ. Հանքարդյունաբերություն 2026
Տնտեսական լրագրողների ակումբը, “Mining Armenia Forum” հիմնադրամը և Հայաստանի հանքարդյունաբերության և մետալուրգիայի ասոցիացիան հայտարարում են լրագրողական նյութերի ամենամյա մրցույթը։
Մրցույթի պայմանները
Նյութերը պետք է հրապարակված լինեն 2026 թվականի հունվարի 1-ից մինչև 2026 թվականի հոկտեմբերի 1-ը՝ հայկական (Հայաստանում գրանցված) լրատվամիջոցներում՝ անկախ տեսակից (հեռուստատեսություն, ռադիո, տպագրություն, առցանց, սոցիալական մեդիա) և ժանրից (ռեպորտաժ, հատուկ հաղորդում, վերլուծական հոդված, հարցազրույց, լրագրողական հետաքննություն, խմբագրական սյունակ, փաստագրական ֆիլմ, լուսանկարչական զեկույց, մուլտիմեդիա, փոդքասթ և այլն)։
Աշխատանքները կգնահատվեն մասնագիտական հանձնաժողովի կողմից։ Ներկայացվող նյութերի քանակական սահմանափակում չկա:
Աշխատանքները պետք է վերաբերեն Հայաստանի հանքարդյունաբերության՝
- Դերին ու նշանակությանը
- Խնդիրներին և մարտահրավերներին
- Կայուն զարգացման (բնապահպանական, սոցիալական, անվտանգային, կառավարչական) խնդիրներին
- Օտարերկրյա ներդրումների ներգրավմանը
- Ոլորտի ներուժի արդյունավետ օգտագործմանը
- Երկրաբանական աշխատանքներին
- Իրավական կարգավորումներին
- Իրական և հնարավոր վտանգներին
Մրցույթի չափորոշիչները
- Նյութի ներկայացման տեխնիկական որակը․ կառուցվածքը, տեսաձայնային, մուլտիմեդիա գործիքների օգտագործումը
- Մասնագիտական չափանիշներ և էթիկա․ հավասարակշռություն, փաստերի ստուգում, ճշգրտություն, բազմակարծություն, նորարարություն, վերլուծական մոտեցում, տեղեկատվության նշանակություն
Մրցույթի վերջնաժամկետը
Մրցութային նյութերը պետք է ներկայացվեն մինչև 2026 թվականի հոկտեմբերի 1-ը։
Մրցանակային անվանակարգերը
Ընտրված աշխատանքների հեղինակները կստանան դրամական պարգևներ և հավաստագրեր: Յուրաքանչյուր մեդիաձևաչափի համար կսահմանվի մեկական մրցանակ և «Գրան Պրի»՝ անկախ նյութի ձևաչափից: «Հատուկ մրցանակ» է նախատեսվում նաև ոլորտն ակտիվորեն լուսաբանելու համար:
Նյութերն անհրաժեշտ է ուղարկել info@ejc.am, info@miningmetal.am հասցեներով։