Ավտոբուսային հին պարկն ամբողջությամբ փոխարինել ենք. քաղաքապետ
Երևանի քաղաքապետ Տիգրան Ավինյանը հայտարարել է, որ հանրային տրանսպորտում վալիդացիաներն ու վճարումներն արվում են որակի համար։
«Դա արվում է նրա համար, որ մենք կարողանանք տարեցտարի զարգացնել մեր հանրային տրանսպորտը, դարձնել ավելի լավը։ Այս տարի գնեցինք 45 նոր տրոլեյբուս, շարունակաբար մենք զարգացնում ենք մեր հանրային տրանսպորտը»,- ասել է նա։
Ըստ քաղաքապետի՝ «Մենք փոխարինել ենք հին պարկն ամբողջությամբ։ Հին պարկ գրեթե չունենք, մնացել են HIGER ավտոբուսները, որոնք նույնպես շուտով կփոխարինվեն։ Ուզում եմ, որ շատ հստակ կապը տեսնենք՝ մենք բարելավում ենք վալիդացիաներն ու վճարումները հանրային տրանսպորտում, այդ գումարներն ուղղվում են հանրային տրանսպորտին, ուղղվում են նոր ավտոբուսներին, նոր տրոլեյբուսներին, նոր ենթակառուցվածքին, դեպոների կառուցմանը»։